Әлки районы фермерын министр үрнәк итеп куйды

11 гыйнварда Хөкүмәт йортында видеорежимда узган киңәшмәдә ТР авыл хуҗалыгы һәм азык-төлек министры Марат Җәббаров Иске Кората  авылындагы крестьян-фермер хуҗалыгы җитәкчесе Евгений Яганевның хезмәтен үрнәк итеп атады.

Министр Евгений Яганевның гаилә фермасында бүген 40 баш савым сыеры асравы, авылдагы өч кешене хезмәт урынлы итүе, гомумән, эшен уңышлы алып баруы хакында сөйләде. Безнең фермер 2017 елда КФХларга бирелә торган 3 миллион сумлык грант откан иде. Мондый программалар республикада алга таба да сакланачак.