Әлки районы “Хузангай” җәмгыятендә Төньяк Корея делегациясе булып китте

Кунаклар ярмалар ярдыру һәм капларга тутыру, үсемлек мае сыктыру цехларын карадылар, савым фермасында, май-сыр заводында булдылар. Алар биредә эшнең оештырылуын да, җитештерү масштабларын да ошаттылар, үзләрен кызыксындырган күп сораулар бирделәр. Кореялеләр районыбызга сәфәрдән бик канәгать калуларын, биредә үзләре өчен  күп файдалы һәм кызыклы мәгълүматлар алуларын әйттеләр.