Әлки районы мөхтәсибе Ирек хәзрәт Сәләхиев мөселманнарны Ураза гаете белән тәбрикләде

“Әссәләмүгаләйкүм вә рахмәтуллаһи вә бәрәәкәтүһ! Мөхтәрәм дин кардәшләребез! Якынлашып килүче Гаетебез мөбәрәк булсын! Аллаһы Тәгалә барлык яхшы гамәлләребезне, тоткан уразаларыбызны кабул итеп, гыйбадәтләребез өчен савапларын арттырып, ике дөньяда да Үзенең чиксез рәхмәтен,мәрхәмәтен насыйп итсә иде. Илләребезгә тынычлык, гаиләләребезгә иминлек, бәхет-сәгадәт насыйп әйләсен”, дигән сүзләр бар хәзрәтнең котлау мөрәҗәгатендә.