Әлки районы почтальоннары “Татмедиа” АҖ бәйгесендә җиңүгә өметләнә

Бәйге шартлары буенча киләсе елның беренче яртыеллыгына газета-журналларга яздыруда иң яхшы эшләгән һәм иң әйбәт күрсәткечләргә ирешкән почтальоннар ачыкланачак һәм “Татмедиа”ның кыйммәтле бүләкләренә ия булачак.

Районыбыз почта хезмәткәрләре әлеге республика бәйгесендә ике мәртәбә җиңүгә ирештеләр инде. Берничә ел элек Базарлы Матактан Нурсөя Хәйруллина “Иң яхшы авыл почтальоны” номинациясендә зур бүләккә ия булган иде. Ә 2018 елның беренче яртыеллыгына матбугатка язылу йомгаклары буенча Базарлы Матак почта бүлеге җиңүче дип табылды. Бу подписка чорында да почта хезмәткәрләре тырышып эшләр һәм республика күләмендә уңышка ирешерләр дип уйлыйбыз.