Әлки районы социаль хезмәткәрләрен һөнәри бәйрәмнәре белән министр урынбасары котлады

Ул Юхмачыдагы өлкәннәр һәм инвалидлар интернат-йортында булды һәм аның хезмәткәрләре белән очрашты. Министр урынбасары биредә эшләүчеләргә үз хезмәтләрен олы җаваплылык белән үтәгәннәре өчен рәхмәт әйтте, иң яхшыларын министрның Мактау кәгазьләре белән бүләкләде.

Энҗе Нигъмәтҗанова “Кайгырту” халыкка социаль хезмәт күрсәтү үзәге коллективының уңган, булдыклы хезмәткәрләрен дә бәйрәм белән котлап, шулай ук Мактау кәгазьләре тапшырды.

Район социаль яклау бүлеге җитәкчесе Алмаз Хәмитов барлык хезмәткәрләрен “Әлки хәбәрләре” газетасы битләреннән һөнәри бәйрәмнәре белән котлады.