Әлки районы: “Теремкәй” балалар бакчасында сабыйларны журналист һөнәренә өйрәтәләр

Базарлы Матакның “Теремкәй” балалар бакчасы тәрбиячесе Гөлия Гатауллина үз төркеме балалары белән “Мин-журналист” дигән темага ачык дәрес күрсәтте.

Бу бакчада Эшче һөнәрләр елы кысаларында кечкенә балаларны төрле һөнәрләр белән таныштыру, аларның кешеләр өчен никадәр мөһим булганын аңлату, теге я бу һөнәр белән кызыксыну уяту юнәлешендә зур эш алып барыла. Тәрбиячеләр методик материаллар туплыйлар. Гөлия Гатауллина да “Журналист” темасы буенча балаларны уйнату өчен кызыклы әсбаплар ясаган. Кечкенәләр уенчык видеокамера, фотоаппарат, микрофоннар белән уйнап, интервью алырга өйрәнәләр.