Әлки районы башлыгы мәдәният хезмәткәрләрен һөнәри бәйрәмнәре белән котлады

"Кеше күңеле рухи азыкка һәрчак мохтаҗ. Һәм сез һәрберебезгә хас шушы ихтыяҗны канәгатьләндерү өчен табигатьтән бирелгән сәләтегезгә зур тырышлыгыгызны өстәп, шәхси вакытыгыз белән хисаплашмыйча эшлисез. Райондагы бер генә бәйрәм-тантана да, бер генә чара да сезнең катнашудан башка узмый. Музыка, җыр, нәфис сүз, бию белән якташларыгызның күңелен күтәрәсез, матурлыкны күрсәтәсез, камиллеккә өндисез. Сезнең өчен бәйрәм - эш көне, кичләр - аның дәвамы. Осталык һәм талантыгызны җигеп, сез хөрмәтле мәдәният хезмәткәрләре, халкыбызга, туган ягыбызга хезмәт итәсез. Рәхмәт сезгә фидакарьлегегез өчен! Бәйрәмегез уңаеннан иҗади уңышлар, нык исәнлек, бәхет һәм иминлек телим сезгә",-диелгән әлеге котлауда.