Әлки районы Базарлы Матак мәктәбенең “Туристик поход” командасы КВН буенча республика чемпионатының зона бәйгесендә чыгыш ясады

Татарстан хөкүмәте кубогына үткәрелгән әлеге ярышта катнашучылар 21-24 гыйнварда Нурлатта республиканың тәҗрибәле КВНчылары җитәкчелегендә уку-өйрәнүләр үттеләр. Финал уенында алар сәламләү, "разминка" һәм музыкаль бәйгеләрдә осталыкларын күрсәттеләр. Безнекеләр дүртенче урынга чыкты. Командаларның барысына да Дипломнар һәм бу атнада Казанда узасы зур КВН фестиваленә чакырулар тапшырылды.