Әлки районы: “Үлем белән кайда сәүдә итәләр?”

14 ноябрьдән 25 ноябрьгә кадәр республикада, шул исәптән безнең районда да "Үлем белән кайда сәүдә итәләр, хәбәр ит" дигән акция үткәрелә.

Әгәр кайдадыр наркотик матдәләр җитештергәннәрен, кемнеңдер аларны сатканын белеп алсагыз, бу турыда хокук саклау органнарына хәбәр итегез. Наркоконтроль идарәсенең ышаныч телефоны 273-43-55, эчке эшләр бүлекчәсенең кизү часте телефоны 20-1-02. Наркотикларның законсыз әйләнеше бик күп зыян, гаиләләргә кайгы китерә, язмышларны җимерә. Шуңа күрә бу мәсьәләдә уяу булырга, хокук саклау органнарына наркотиклар таратуга каршы көрәшләрендә ярдәм итәргә кирәк безгә.