Әлки районы өлкәннәр һәм инвалидлар йортында тәрбияләнүчеләр Болгарда булдылар. ФОТО

Музей директоры Фәргать Мөхәммәтов алар өчен хәйрия экскурсиясе оештырды. Өлкәннәр һәм инвалидлар Болгар цивилизациясе музеендагы күп санлы экспонатлар белән бик кызыксынып таныштылар, Истәлек билгесе бинасында иң зур Коръән китабын карадылар. Шулай ук музей-тыюлык территориясендәге бүтән корылмаларны карап йөрделәр, казу эшләрен күзәттеләр. Алар биредәге матурлыкка сокланып туймадылар, борынгы тарихыбыз эзләреннән узуларына тәэсирләнделәр. Гомумән, интернатта тәрбияләнүчеләр әлеге сәяхәттән зур канәгатьлек алдылар, кайткач та үзара тәэсирләрен уртаклаштылар.