Әлки районы паркларында “Диварсыз китапханә” оештыралар

Күптән түгел Базарлы Матакның үзәк паркында китапханәчеләр шундый чара үткәрде. Паркта сәламәт яшәү рәвешенә багышланган тематик күргәзмә әзерләнгән иде. Укырга яратучыларга яңа китаплар, газета-журналлар да тәкъдим ителде. Китапханә витриналары янына килеп китаплар белән кызыксынучылар, сораулар бирүчеләр байтак булды. Паркта шулай ук күренекле татар драматургы, репрессия корбаны Кәрим Тинчуринның тууына 130 ел тулуга багышлап, аның иҗаты буенча блиц-викторина үткәрелде.