Әлки районы “Татарстан гасыры” проектын гамәлгә ашыруда актив катнашкан өчен Диплом белән бүләкләнде

Әлеге белем бирү проекты Татарстан АССР төзелүнең 100 еллыгын бәйрәм итү уңаеннан оештырылды. Анда район мәдәният йортлары каршындагы түгәрәкләрдә шөгыльләнүче балалар үзләре ясаган рәсемнәр белән катнашты. Проектка районыбыз балаларының туган як табигате, аның кешеләре, авыл хуҗалыгы хезмәте турындагы 150 ләп рәсеме кабул ителде. Бу акциядә Югары Әлки, Үргәгар, Юхмачы, Әхмәт, Иске Кората авыллары балалары аеруча актив катнашты.