Әлки районы укучыларын көзге каникулда төрле кызыклы чаралар көтә

Бәйрәмнәр дә кушылып, каникул сигез көн дәвам итә. Мәгариф идарәсе җитәкчесе урынбасары Наталья Захарова әйтүенчә, укучыларның каникул көннәрендә күңелсезләнеп утырырга вакыты булмаячак. Мәктәпләрдә төрле чаралар, шул исәптән спорт ярышлары үткәрү күздә тотыла. Казанга экскурсияләр дә оештырыла - балалар Кәрим Тинчурин исемендәге драма һәм комедия театрында, Муса Җәлил исемендәге опера һәм балет театрында спектакльләр караячак.