Әлки районы: Яңа ел сынамышларына ышанучылар бар

Анда 116 кеше катнашты. Җавап бирүчеләрнең шактые (42 кеше) " кайвакыт бу юрамышларга бик игътибарлы булам, аларны үтим дә, әмма бу кызык өчен, тикшереп карау өчен генә", дигән. 39 кеше юрамышларга бөтенләй ышанмавын әйткән. Ә 35 кеше "әйе, мин аларга чынлап торып ышанам, һәм аларның гел чынга ашуын күрәм", дип җавап биргән.

Юрамышлар димәктән, ә сез якынлашып килүче Сары Эт елын ничек каршыларга икәнен беләсезме? Яңа елны каршылаганда нәрсә кияргә, табынга ниләр куярга?

Әлбәттә инде, сары, алтынсу, соры төсләргә өстенлек бирергә кирәк. Яңа елны шау-шулы, кызык дуслар белән каршыларга киңәш ителә. Өстәлдә ит ризыклары яшел суган, укроп белән бизәлгән булса, тагын да матур булачак. Яңа ел бәйрәмендә һич кенә дә күңелсезләнеп утырырга ярамый. Дүрт аяклы дусларыбыз да бит уйнарга, шаярырга яраталар.