Әлки районына космонавтлар килеп китте. ФОТО

Мәгълүм булганча, узган атнада Казанда авиаузышлар буенча дөнья чемпионаты этабы булды. Космонавтлар әнә шул зур чарага килгәннәр. Шул уңайдан, безней районга да килеп чыктылар. Алар район җитәкчеләре белән очраштылар, Лисенков исемендәге туган якны өйрәнү музеен карадылар. Кунаклар музейның космонавтикага багышланган бүлеген яңа экспонатлар белән баету буенча фикер алыштылар. Аерым алганда, безнең музейга яңа скафандр, космонавтларның киемнәрен, шәхси әйберләрен тапшырырга ышандырдылар.

Космонавтлар "Яшь имәннәр" балалар савыктыру лагеренда ял итүчеләр янында да булдылар, бик кызыклы әңгәмә үткәрделәр, күп сорауларга җавап бирделәр.