Әлки районында 106 мең тонна ашлык суктырылды

Р а й о н д а бөртеклеләрдән тулаем 106 мең тонна ашлык җыеп алынды. Уртача уңыш һәр гектардан 36,4 центнер чыга.

Көзге бодай бигрәк тә уңды. Бу культура бездә 19 мең гектарга якын чәчелгән иде. Аны суктыру төгәлләнеп килә.

Уңышы гектардан уртача 42,4 центнер тәшкил итә.

" Х у з а н г а й " җәмгыяте 3 мең гектарда борчак үстергән иде. Аны алар вакытында, югалтуларсыз җыеп ала алдылар. Уңышы да әйбәт - гектардан 28 центнер чыкты.

У р ы п - җ ы ю эшләренең барышы буенча (кукуруздан башка) без республикада алдынгы районнар исемлегендә. Билгеле, уракның шундый югары темп-

та баруында көннетөнгә ялгап эшләүче к о м б а й н ч ы л а р н ы ң тырышлыгы зур. Алар республика комбайнчылары ярышында да сынатмый эшлиләр.

Үзегез уйлап карагыз: Татарстанның иң алдынгы 150 комбайнчысы арасында 20 се - Әлки егетләре. Менә алар: "Яшь көч" тән Ришат Әсәтов (2689 тонна), "ВостокЗернопродукт" АҖдән Андрей Захаров (3458т), Юрий Севрикеев (3138 т), Иван Калмыков (3124 т), Ирек Зарипов (3114 т), Рәфис Камалов (3067 т), Петр Родионов (3019 т), Азат Әхмәтов (2815 т), Петр Зварич (2787 т), Рәниф Гатин (2763 т), Җәүдәт Хисмәтов (2369 т), "Хузангай" ҖЧҖдән Владимир Мукусев (3355т), Фирдүс Зәйнуллин (3222 т), Юрий Волостнов (3064 т), Константин Салюков (2759 т), Николай Морелев (2563т), Сергей Ермолаев (2311 т), Солтан Галиуллин (2290 т), Алексей Рыжков (2289т).

Районда көзге чәчү эшләре дә оешкан төстә бара. Бүгенгә 14 мең гектардан артык уҗым культуралары чәчелде. Уҗымнарның мәйданын быел 21500

гектарга җиткерү күздә тотыла.