Әлки районында август аенда 17 гаилә төзелгән

Август дәвамында бүлектә яңа туган 6 бала теркәлгән. Җәйнең соңгы аенда 2 гаилә таркалган, 30 райондашыбыз мәңгелеккә күчкән. Ә ел башыннан бирле 66 нарасый теркәлгән, 61 туй булган, 25 пар аерылышкан, 202 кешенең гомере өзелгән.

Чагыштыру өчен: 2016 елның августында ЗАГС бүлегендә яңа туган 11 бала теркәлгән, 12 никах рәсмиләштерелгән, 3 пар аерылышкан, 25 кеше вафат булган. Елның сигез аенда 108 бала туган, 57 туй булган, 20 пар аерылышкан, 184 кеше бакыйлыкка күчкән.