Әлки районында булган фаҗигадә өлкән яшьтәге велосипедчының гомере өзелгән

61 яшьлек кеше идарә иткән "Лада" автомобиле велосипедта баручы 78 яшьлек ир-атны бәрдерә, алган җәрәхәтләрдән велосипедчы район үзәк хастаханәсендә үлә. Фаҗига 15 октябрьдә 5 сәгать 30 минутта була.

Район ЮХИДИ бүлекчәсе җитәкчесе Рәис Сафин әйтүенә караганда, бу хәл буенча тикшерү бара. Беренчел фаразлар буенча, һәлакәткә автомобиль йөртүченең юл хәвефсезлеген тәэмин итә торган тизлекне дөрес сайламавы сәбәп булган. Иртәнге эңгер-меңгердә ведосипедчының киемнәрендә яктылык кайтаргыч элементлар булмавы да аяныч нәтиҗәгә китергән, ди баш автоинспектор.