Әлки районында халыкны сорау-гозерләре белән Россия Дәүләт Думасы депутаты Айрат Хәйруллин кабул итте

Депутатка гозерләр белән килүчеләр шактый булды. Берничә кеше "Кызыл Шәрык-Агро" җәмгыятенә арендага бирелгән пай җирләренә кагылышлы сораулар белән мөрәҗәгать итте. Шулай ук торакны хосусыйлаштыру, хезмәт хакы һәм социаль түләүләр, эшкә урнашу мәсьәләләре буенча депутатка киңәш һәм ярдәм сорап килүчеләр бар иде. Айрат Хәйруллин һәркемне игътибар белән тыңлады, тиешле аңлатмалар бирде, ярдәм күрсәтергә ышандырды.