Әлки районында халыктан сөт 17 сумнан кабул ителә

Сөт кабул итү пунктларның икесендә дә бертөрле бәядән алына, әмма халык белән исәп-хисап төрлечә ясала. Кайбер сөт җыючылар юл чыгымнары һәм хезмәт хакы өчен һәр килограмм сөттән ике сумнан да артыграк алып калырга тартынмыйлар. Ә бит ике сум районда иң югарысы санала, аннан да күбрәк тотып калырга ярамый.

Эшлекле дүшәмбе киңәшмәсендә район башлыгы Александр Никошин тапшырган сөт өчен халык белән исәп-хисап ясау мәсьәләсен авыл җирлекләре башлыкларына аерым контрольгә алырга кушты. Ә сөт җыючылар үз хезмәтләрен эшмәкәр булып теркәлеп алып барырга тиешләр.