Әлки районында иң төзек, чиста авылга һәм шәхси хуҗалыкка бәйге игълан ителде

Районда иң төзек, чиста авылга һәм шәхси хуҗалыкка (личное подворье?) конкурс игълан ителде.

1 апрельдән республикада санитар-экология икеайлыгы башланды. Күзләрне иркәли торган чисталыкка ияләшеп барабыз инде. Авыл халкы хәзер өйләрен, каралты-кура тирәләрен төзекләндереп, матурлап кына калмый, бакчасына, әйләнә-тирәгә төрледән-төрле чәчәкләрне дә күпләп утырта. Җәй буе гөлбакча эчендә утыручы хуҗалыклар елдан-ел ишәя.

Район башкарма комитеты быел да торак пунктлар һәм йорт-хуҗалыклар арасында чисталык-төзеклек һәм матурлык бәйгесе игълан итте. Аңа авыл бәйрәмнәрендә һәм район Сабан туенда нәтиҗә ясалачак. Җиңүчеләрне саллы гына бүләкләр дә көтә. Әйдәгез, уртак тырышлык белән әйләнә-тирәбездә чисталык, матурлык тудыруга керешик, конкурсларда катнашыйк!