Әлки районында сентябрьнең соңгы ункөнлегендә авыл халкы 218 мең 234 килограмм сөт саткан

Шәхси хуҗалыкларда асралучы уртача бер сыердан һәр көнне 8.7 литр сөт сатылган дигән сүз. Көннәр яңгырлы, салкын торуга карамастан, сөт хәзерләү күләме кимемәде. Салман авыл җирлегендә халыктан сөт җыю эше аеруча яхшы оештырылган. Биредә 10 көндә шәхси хуҗалыклар 10233 килограмм продукция саткан. Карга (9853 кг) һәм Апак (9811 кг) җирлекләрендә дә халык сөтне күпләп сата.