Әлки районында су башнялары буяла

Җәй яңгырлы булганга бу эш бераз тоткарланган иде. Әйтик, әлегә нибары унлап башняны яңадан буяганнар, былтыр 37 башня ның буявы яңартылган булган.

Су башнясының бәясе 300мең сумнан артып китә. Озаграк хезмәт итсен өчен, аны карап, вакытында буяп торырга кирәк. БУ эшне әлки коммуналь челтәрләрендә махсус булдырылган бригада башкара. Моңарчы алар Чиябашта эшләгәннәр. Шулай ук Чуаш Кичүе, Базарлы Матак авыл җирлекләре оешма белән килешү төзеп, үзләрендәге су башняларын буятырга җыеналар.