Әлки районында суүткәргечтәге аварияне тиз арада төзәттеләр

Моның сәбәбе суүткәргечтәге авария булган икән. Җиңүнең 40 еллыгы урамында бер йортта суүткәргеч торба шартлаган. Төзексезлекне бетергәнче район үзәгенең бер өлеше бүген төш вакытына кадәр сусыз торды.

Район коммуналь челтәрләре җитәкчесе Искәндәр Сафин әйтүенчә, 11 гыйнвар кичендә булган авария әлеге йортта иске суүткәргечтән файдалану аркасында килеп чыккан. Шуңа башняларга су тутыру туктатылган. Системада су беткәч, коммуналь челтәрләр эшчеләре тиз арада әлеге йортны яңа су трассасына тоташтырып куйганнар. 12 гыйнварда әбәткә кадәр барлык су башняларына да су тутырыла башлый. Хәзер өйләрдә су әйбәт килә.