Әлки районында Түбән Кәчи, Иске Камка, Иске Матак җирлекләрендә һәр гаилә район газетасына язылган

"Әлки хәбәрләре" газетасына авылларда күпчелек халык инде язылган. Түбән Кәчи, Иске Камка, Иске Матак почта бүлекчәләре шул җирлекләрдә яшәүче һәр гаиләне район газетасына яздырырга өлгергәннәр. Шулай ук Борискино, Кошки, Иске Салман почта бүлекчәләрендә дә әлеге эш әйбәт оештырылган. Бу подписка нәтиҗәләре буенча да "Әлки хәбәрләре" газетасына яздыруда уңышлы эшләгән почта хезмәткәрләренә редакция бүләкләр тапшырачак.

Хөрмәтле дуслар! Район газетасына язылырга өлгермәгәнсез икән, моны почта бүлекчәләрендә һәм почтальоннарда эшли аласыз. "Әлки хәбәрләре" - район яңалыкларын җиткереп торучы бердәнбер басма. Аңа ярты елга язылу бәясе 660 сум.