Әлки районында үткән ункөнлектә шәхси хуҗалыклардан 205 мең 211 килограмм сөт җыелган

Бу аннан алдагы декада белән чагыштырганда 2519 килограммга күбрәк. Ә узган елның шул чоры белән чагыштырганда шәхси хуҗалыклар 3726 килограммга күбрәк сөт саткан. Үзләреннән арткан продукцияне иң күп сатучы - Чуаш Кичүе җирлегендә яшәүчеләр (21924 кг). Түбән Әлки (19477 кг), Борискино (14964 кг) һәм Иске Чаллы (14213 кг) җирлекләре дә сөт тапшыру буенча алдынгылар рәтендә.

Районда бүген сөт 14 сумнан кабул ителә.