Әлки районында узган атнада өч исерек йөртүче тоткарланган

Өч йөртүче транспорт белән исерек килеш идарә иткән өчен тоткарланган. Районның баш автоинспекторы Рәис Сафин әйтүенчә, салмыш йөртүчеләрне кырыс җәза көтә. Алар ел ярымнан ике елга кадәр "права"ларыннан мәхрүм ителә һәм 30 мең сум административ штрафка тартыла. Юлларда һаман да тизлек режимын бозу, хәвефсезлек каешын каптырмау, каршы як хәрәкәт полосасына чыгу, баланы машинада махсус креслосыз йөртү кебек кагыйдә бозулар еш кабатлана.