Әлки районында яшәүчеләр электрон түләүләргә өстенлек бирә

Электрон түләүләрнең өстенлеген мондый хезмәттән бер тапкыр файдалануга төшенәсең. Җайлы бит: өеңдәге компьютер, планшет аша яисә кесә телефоныннан гына санаулы минут эчендә барлык түләүләрне башкарып чыгарга була. Почтага, банкларга барып чират торасы, вакыт уздырасы да түгел. Районда яшәүче һәркем электрон түләүләргә күчсә, күпме мәшәкатьтән котылыр һәм вакытларын янга калдырыр иде.