Әлки районында юл кагыйдәләрен бозучыларга фотовидеофиксация беркетмәләре электрон рәвештә киләчәк

Мәгълүм булганча, юл хәрәкәте кагыйдәләрен бозган өчен штрафларны 20 көн эчендә түләсәң, аның ярты бәясен генә каплыйсы. Әйтик, карарда 500 сум штраф күрсәтелсә, аның 250 сумын гына түлисе була. Билгеле, моның өчен административ штраф салу турындагы карар (постановление) документын вакытында кулыңа алу да кирәк бит әле. Хәзер район ЮХИДИ бүлекчәсенә гариза язган очракта әлеге карарлар электрон рәвештә җибәреләчәк. Гариза бланкларын ЮХИДИ хезмәткәрләреннән аласы.