Әлки районыннан дүрт әбүнәче “Татмедиа” бүләкләрен уйнатуда катнаша

Мәгълүм булганча, бу елның икенче яртыеллыгына "Татмедиа" басмаларына язылу нәтиҗәләре буенча иң актив әбүнәчеләр арасында кыйммәтле призлар уйнатылачак. Анда катнашу өчен "Татмедиа" АҖ нең ким дигәндә өч басмасына язылырга һәм квитанцияләр күчермәләрен башкалага юлларга кирәк иде. Әлеге шартларны тиешенчә үтәгән һәм бүләкләр уйнатуда катнашачак әбүнәчеләрнең исемлеге "Татмедиа" сайтында басылды. Алар арасында Карга авылыннан Гөлсинә Галиуллина, Яңа Әнҗерәдән Румия Гобәйдуллина һәм Айгөл Гобәйдуллина, Базарлы Матактан Сирень Низамиева да бар. "Языл һәм телевизор от" акциясе призлары 18 августта уйнатылачак. Бүләкләр кызыгырлык - телевизор, цифрлы фотоаппаратлар, сарык йоныннан эшләнгән юрганнар. Моннан тыш, Татарстанның һәр районыннан иң зур суммага газета-журналларга язылган бер әбүнәче, призлар уйнату нәтиҗәләренең нинди булуына карамастан, кызыксындыру бүләгенә ия була.