Әлки районының авыл хуҗалыгы хезмәткәрләре Бөтенроссия кыр көннәрендә катнашачаклар

Анда безнең районнан "КШ-Агро", "Хузангай", "Яшь көч" җәмгыятьләре җитәкчеләре һәм белгечләре, крестьян-фермер хуҗалыклары башлыклары, гаилә фермалары вәкилләре катнашачак. Күргәзмә Татарстан Авыл хуҗалыгы фәнни-тикшеренү институтының тәҗрибә кырларында җәелдерелә. Анда иген үстерүнең яңа алымнары, малларга азык хәзерләү, ветеринария препаратлары, заманча техника һәм технологияләр, кыскасы, авыл хуҗалыгына кагылышлы бик күп яңалыклар белән танышып булачак.