Әлки районының Бибай Чаллысы авылында ферма эшли башлады

Авылдагы ферма биналарында ремонт эшләре төгәлләнеп килә. Ике корпуска тирес чыгару җайланмасын урнаштырасы гына калган. Биналарга заманча сөтүткәргечләр куелган, сөтне суыту җайланмасы бар. "Кызыл Шәрык-Агро"ның бу фермасында 400 баш сыер асралачак, дистәдән артык кешегә эш урыннары була. Терлекләрнең әлегә 100 башы кайтарылган. Ферма эшчеләр белән тәэмин ителгән, терлекләрне кышлату өчен мул азык запасы булдырылган.