Әлки районының Иске Камка авылында ике урам су эчендә. ФОТО

Иске Камка җирлеге башлыгы Фәргать Әкбәров хәбәр итүенчә, ике урам халкы өчен дә йөреп торырга көймәләр куелган. Көймәчеләр шунда көне буе кизү торалар.

Әлегә өйләргә су кермәгән. Кече Чирмешәндә су 5 метр 15 сантиметрга күтәрелгән. Авыл халкы суның тагын ярты метр күтәрелүен көтә икән. Ул чагында ташу суы болыннарга җәеләчәк, печәнлекләрдә, көтүлекләрдә үлән күкрәп үсәчәк.