Әлки районының күп җирлекләрендә халыкта сыерлар саны арткан

Республикада халыкта маллар санын киметмәүгә юнәлдерелгән төрле ярдәм чаралары гамәлгә ашырыла. Күп авылларда, алардан нәтиҗәле файдаланып, сыерлар санын хәтта ишәйтә баралар. Әйтик, Борискинодан тыш, Түбән Әлки авыл җирлегендә быел халыктагы сыерлар 32 башка арткан. Чуаш Кичүендә шәхси хуҗалыктагы сыерлар - 23 кә, Иске Салманда - 11 гә, Иске Матакта 9 башка күбәйгән. Ә менә Чиябаш, Түбән Кәчи, Кошки, Югары Колчурино авыл җирлекләрендә сыерларның баш санын ел дәвамында, киресенчә, киметкәннәр.