Әлки районының Мулланур Вахитов бистәсе халкы район мәдәният йорты үзешчәннәренә рәхмәт әйтә

Анда авылның бөтен халкы җыелды. Концертны бик күңелле итеп Илфат Кыямов алып барды, үзе дә җырлады. Эльмира Шиһапова, Аида Гайнетдинова башкаруында моңлы, матур җырлар ишеттек. Ә Любовь Борисова дәртле биюләр белән күңелләрне күтәрде. Район үзәгеннән ерак урнашкан кечкенә авыл дип тормыйча, безне күңелле концерт белән шатландырган коллективка, аларның җитәкчеләренә ихлас рәхмәтебезне җиткерәбез.

Солтания Вәлиәхмәтова.