​​​​​​​Әлки районына ике яңа мәктәп автобусы кайтты

Татарстан муниципаль берәмлекләре съезды үткәрелгән көнне республика Президенты Рөстәм Миңнеханов авыл мәктәпләре вәкилләренә  57 махсуслаштырылган Ford Transit автобусы ачкычларын тапшырды. Укучыларны мәктәп маршрутлары буенча йөртәчәк әлеге автобуслар балалар хәвефсезлеге өчен зарур бөтен нәрсә, шул исәптән ГЛОНАСС иярченле системасы белән җиһазландырылган.

Укучыларны башка авыллардагы мәктәпләргә йөртү өчен бездә 17 автобус бар, әмма аларның беришләре искергән, алыштыруга мохтаҗ иде. 22 шәр урынлы ике яңа машина мәктәп автобуслары паркын тулыландыру өчен бик кулай булды.