Әлки районында 10 кеше  банк картасы акчасыннан колак каккан

Бу хакта район эчке эшләр бүлекчәсе җитәкчесе Ришат Насыйбуллин хәбәр итте. 2019 елда болай алдануның өч очрагы теркәлгән булган.

Күп очракта кырыкалдарлар ни дә булса сатучыны “кармакка” алалар икән. Белдерү бирүчегә шылтыратып, янәсе, аңа акча күчерү өчен банк картасы номерын сорыйлар. Кайберәүләр, аны-моны уйламыйча, мошенникка картаның кодын да  әйтеп сала. Шулай итеп, банк картасындагы акча юкка чыга. Ни кызганыч, андый мошенникларның эзләренә төшү дә кыен.