Әлки районында “Георгий тасмасы” акциясе башланды

Ул 9 майга кадәр дәвам итәчәк. “Мин хәтерлим! Мин горурланам!” дигән шигарь астында әлеге акция 2005 елдан бирле үткәрелә. “Георгий тасмасы” акциясе – дөньяны фашизмнан саклап калу өчен һәлак булганнар истәлегенә дан, ветераннарга хөрмәт, Бөек Җиңү өчен рәхмәт билгесе һәм буыннар бердәмлеге символы ул. Кызгылт сары һәм кара төсләр чиратлашкан тасманы йөрәк янында (у сердца) киемгә, машина антенналарына, бала коляскаларына беркетәләр.

“Бердәм Россия” партиясенең җирле бүлегеннән хәбәр итүләренчә, әлкилеләргә  тарату өчен алар 500 тасма алып кайткан. “Георгий тасмасын”  яшьгвардиячеләр Җиңү көне алдыннан барлык авыл җирлекләрендә халыкка өләшәчәк.