Әлки районында иң матур бизәлгән Яңа ел чыршысына конкурс игълан ителде

Конкурс нәтиҗәләрен чыгарганда объектларның яктырткычлар белән бизәлеше, кардан ясалган әкият геройлары сыннары, креатив яңалыклыр исәпкә алыначак.

Яңа ел бәйрәменә яхшылап әзерләнгән, бәйрәм кәефе тудыру өчен зур тырышлык куйган хезмәт коллективлары, йортлар хуҗалары истәлекле бүләкләргә ия булачак. “Әлки хәбәрләре” газетасы Яңа ел бәйрәменә иң матур итеп бизәлгән чыршыларны, бина һәм өйләрне үз битләрендә күрсәтеп барачак.