Әлки районында “КамАЗ” белән чит ил машинасы бәрелешкән

30 августта көндезге сәгать 3 тә Базарлы Матак-Мамыклы юлында ике машина бәрелешә.

Алексеевск районының Рус Мораса авылы ягыннан Карамалыга таба килүче “КамАЗ” йөртүчесе икенчел юлдан чыкканда маневрның хәвефсезлегенә инанмый. Шулай юл хәрәкәте кагыйдәсен бозу аркасында йөк машинасы төп трасса буенча Иске Алпар авылыннан Нурлат шәһәре юнәлешендә баручы “Киа Спектра” автомобиленә килеп бәрелә. Нәтиҗәдә чит ил машинасындагы пассажир хатын-кыз зыян күрә.