Әлки районында “Парклар маршы-2019” Халыкара табигатьне саклау акциясе старт алды

Әлеге Халыкара акция быел “Үсемлекләр һәм хайваннар яшәгән урыннарны саклыйк!” дигән девиз астында уза. Акциянең максаты – аеруча саклана торган табигать биләмәләренең экология әһәмиятенә җәмәгатьчелекнең игътибарын җәлеп итү, яшь буында туган як табигатенә сакчыл караш тәрбияләү. Безнең районда “Парклар маршы” акциясен “Спасский” заказнигы оештыра. Традиция буенча, быел да балалар арасында рәсем бәйгесе игълан ителә. Ул “Кызыл китап сәхифәләре” исеме астында узачак. Заказник туган як табигатен якын күргән һәркемне акциядә актив катнашырга чакыра. Җиңүчеләрне бүләкләр көтә.