Әлки районында Республика көне бәйрәм чаралары белән билгеләп үтеләчәк

30 август – Республика көнендә районда күп төрле бәйрәм чаралары үткәрү күздә тотыла.

Сәгать 10 да Базарлы Матак Үзәк паркында Республика көненә багышланган тантаналы чара башлана. Анда балалар чыгышлары һәм алар өчен күңел ачу чаралары, иҗади остаханәләр, концерт, спорт ярышлары булачак, кафе эшләячәк.

Үзәк паркта бәйрәм чаралары кичен дә дәвам итәчәк. 19 сәгатьтән биредә бүләкләүләр, район үзешчәннәре һәм татар эстрадасы артистлары концерты була, кафе эшли. Кичке салют та бәйрәмгә аерым ямь өстәр.

Бәйрәм кичәләре авыл мәдәният йортларында да үтәчәк.