Әлки районыннан Гордеевлар Димитровградта чаңгы ярышында көч сынашкан

 Алар Сихтермә-Хузангай авылында яши. Һәр ял көнендә Юрий, Светлана һәм уллары – мәктәп укучылары Матвей белән Тимофей республикада, шулай ук аннан читтә үткәрелә торган чаңгы ярышларында катнашалар. Менә үткән якшәмбедә дә Гордеевлар Димитровград шәһәре кубогына биатлон ярышларында көч сынашкан.

–Биатлон – безнең өчен спортның яңа, әле тулысынча үзләштерелмәгән төре. Шуңа күрә призлы урыннар ала алмадык. Аның каравы, бу ярышлар безгә зур сабак булды,–дип уртаклашы Юрий Гордеев.

Матвей (11 яшь) һәм Тимофей (9 яшь), 1,8 чакрым дистанция узып, парлы  спринтта катнашкан.