Әлки районының Иске Матак мәктәбе укучысы Вячеслав Юманов чаңгычылар арасындагы кросста республика чемпионы булды

Вячеслав – районыбызның иң оста чаңгычыларының берсе. Ул бу төр ярышларда күп тапкырлар район чемпионы һәм республика бәйгеләре призеры булды. 5 класстан бирле тренер Николай Ирдинкин җитәкчелегендә шөгыльләнүче спортчы егет бүген чаңгычыларның Татарстан җыелма командасына кандидат. Үткән атнада Ала­буга шәһәрендә чаңгычылар арасында узган ре­спублика беренчелегендә Вячеслав 5 километрлы дистанциягә йөгерә. Үзенең яшь категориясендәге 55 катнашучы арасында ул беренче урын яулый һәм Татарстан чемпионы исеменә ия була.