Әлки районының “Хузангай” җәмгыятендә җиде төрле ярма ясыйлар
“Хузангай” тамгасы төшерелгән ярмалар кибет киштәләрендә озак ятмый. Алар экологик яктан бик чиста булган Әлки җирендә үстерелгән бит.
Ярмаларны капларга тутыру цехында продукцияне күмәртәләп сатып алучылар өчен күргәзмә ясалган. Монда арпа, бодай, бөтен һәм ярдырылган борчак, карабодай, тары ярмалары куелган. Күренеп тора, бик сыйфатлы ярмалар.
Бу цехта эшләүче кызлар да хезмәтләрен җиренә җиткереп башкаралар. Татар Борнаеннан Гүзәл Нуруллина, Фәния Әхмәтшина карабодай ярмасы ясый. Ә икенче якта авылдашлары Гүзәл Гәрәева һәм Гөлсинә Мингалиева арпа, борчак ярмалары җитештерәләр. Үзләре үк әзер продукцияне капчыкларга тутырып, тегеп тә куялар. Карабодайны сменага 500 килограмм ясасалар, перловка, борчак кебекләрен 4 тонна җитештерәләр икән.
Әзер продукцияне махсус аппаратта берәр килограммлы итеп пакетларга Вера Советникова һәм Оксана Казанкова тутырып торалар. Янәшәдә биек итеп шул ярмалар тутырылган әрҗәләр өелгән.
Биредә күптән түгел Татарстан Премьер- министры урынбасары Васил Шәйхразиев та булып киткән иде. Ул кызларның бик тә кирәкле эш башкаруларын әйтте, тырыш хезмәтләре өчен рәхмәт белдерде.
Реклама хокукында.
Следите за самым важным и интересным в Telegram-каналеТатмедиа
Нет комментариев