Әлки штангачылары җиңүләр яулый

Ә бит бу ярышларда Татарстан шәһәрләреннән кала Башкортстан, Екатеринбург, Омск шәһәрләре, Удмурт Республикасы спортчылары да катнашты (барлыгы 196 кеше).

Күптән түгел Татарстан яшьләр эшләре һәм спорт министры боерыгы белән Татарстанның пауэрлифтинг буенча II категория судьясы исеменә лаек булган Касыйм Зыятдинов җитәкчелегендә шөгыльләнгән спортчыларның шәхси нәтиҗәләре дә сокланырлык. Касыйм үзе һәм Рәшит Гарипов ветераннар арасында үз үлчәүләрендә беренче урынны яулаганнар. Яшьләр дә калышмый: Данил Макаров, Ольга Гнединкова шулай ук пьедесталның иң югары баскычына күтәрелеп медальләр алдылар. Унөч яшьлек Давид Пимурзин икенче урынга лаек. Безнең командага әлеге ярышларда катнашу өчен матди ярдәмне эшмәкәр Радик Гатауллин, район яшьләр эшләре һәм спорт бүлеге күрсәткән.