Әлки укытучысы “Туган тел” Бөтенроссия бәйгесе лауреаты булган

Туган тел укытучылары арасында әлеге бәйге Казанда узган. Мөгаллимнәр анда тел һәм әдәбият дәресләре үткәрү буенча мастер-класс күрсәткәннәр, проект яклаганнар. Шулай ук “Түгәрәк өстәл”дә катнашканнар. Безнең укытучы барлык бу сынауларны уңышлы узган. Район мәгариф идарәсе методисты Фәүзия Гыймадиева әйтүенчә, Любовь Яргунина зур тәҗрибәгә ия, тирән белемле педагог, чуаш теле укытучыларының район берләшмәсе җитәкчесе.