Әлки ватерполчыларының зур җиңүләре

Түбән Новгород шәһәрендә узган су полосы ярышларында Әлки кызлары Татарстан исеменнән чыгыш ясадылар. Әлеге мәртәбәле бәйгедә безнең кызлар, Россия беренчелегендә көмеш медальгә ия булган Түбән Новгород командасыннан гына калышып, икенче призлы урынны алдылар.

Су полосы буенча район командасының кыска гына вакыт эчендә шундый осталыкка ирешүе һәм югары дәрәҗәле ярышларда катнашуы - безнең тренерларның да зур хезмәте. "Ләйсән" йөзү бассейнында менә елдан артык инде су спорты буенча малайларга һәм кызларга тәҗрибәле тренер Александр Георгадзе һәм яшь белгеч Эльвира Шәйхетдинова күнекмәләр бирәләр. Ватерполчы кызлар һәм егетләрдән яңа җиңүләр көтәбез.