Әлкидә балык тотучылар ярышы үткәрелә

Боз астыннан балык тотучылар бәйгесе быел инде икенче тапкыр үткәрелә. Җиңүчеләрне билгеләгәндә иң зур балыкны каптыручы, иң күп (авырлыкта) балык тотучы, иң беренче булып балык эләктерүчеләр исәпкә алыначак. Оештыручылар шулай ук иң яшь һәм иң өлкән балыкчыларга махсус премияләр әзерли.

Ә ахырда яңа тотылган балыктан пешерелгән кайнар ухадан авыз итәргә мөмкин булачак.

Балык тотучыларны теркәү иртәнге сәгать 8 дә башлана.

Ярышта катнашырга чакырабыз сезне, хөрмәтле балыкчылар!