Әлкидә парклар, спорт һәм уен мәйданчыклары ябылды

Базарлы Матактагы ял, спорт, уен урыннарының барысы да ишекләрен япты. Җирлекнең башкарма комитеты җитәкчесе Рәшит Мусин белдерүенчә, паркларга, уен һәм спорт мәйданчыкларына бу хакта мәгълүмат язылган элмә такталар беркетелгән.

Район үзәгендәге паркларның ишекләренә йозак салып булмый, чөнки өенә алар аша йөрүчеләр дә бар. Ә менә бирегә килеп ял оештырырга теләүчеләр булса, аларга карантин кагыйдәләрен үтәмәгән өчен штраф салынырга да мөмкин.